Tradimaintu e salvamaintu

di Gianni Bobbio

A soun surtiu pe ‘ndo a catò

fein la zü au süpermercò

avanti e ‘ndrè ‘ncu e carelein

a mete a roba ‘ntu cestein.

In discursu ‘npo speciole

ö sentiu fò derè au scafole

ina cubia ‘n tis mumaintu

a fisa l’ua ‘dl’apuntamaintu.

A fasu e cambiu da cursia

e a vedu a biounda Rosalia

ca discura ‘ncu ‘n zunotu

e a se mzüa ‘n bel giübotu.

Am  salüta ‘npo surpraiza

mi a tiu dritu e a fagu a spaiza.

Versu saia l’indumaun

a pasegiu ‘nseme a e caun

loungu e viole’d quela via

ca custegia a feruvia

suta a e pounte deré a ‘n büscu

in rimesci e ‘n po ‘d trambüstu

a Rosalia ‘ncu e vestiu ‘n testa

e quel zunotu ug fova a festa.

Am discostu bela piaun

a cifulu e a ciamu e caun

arivaundu ‘n foundu a strò

a veg na machina pasò.

Ag fag segnu e le us ferma

e da u dübiu ag ő a cunferma

l’è propiu l’omu da Rosalia

cu ‘mbucova quela via

u purtova ‘n campurela

ina bela giuvincela.

“Turna ‘ndrè e dame amainti

chi ‘nte serca i documainti

suta a e pounte fein da iei

ug è dui carabinieri”.

“At ringrasciu, a cambiu strò

a vagu zü da e Gambaò”.

U riporta a saintu a l’ua

feina e caun ug locia a cua.

Ö fatu csì na bouna ascioun

e da na scabruza situascioun

ö salvò l’omu e a Rosalia

e u tran-traun di na famia.

Torna a biografia G. Bobbio

---

Torna alla HOME